Syi'ir Tanpo Waton - Alm. KH. Abdurrahman Wahid

Syi'ir Tanpo Waton - Alm. KH. Abdurrahman Wahid

Astaghfirullah rabbal baroya

Astaghfirullah minal khotoya

Rabbi zidni 'ilman nafi'an

Wawafiqni 'amalan sholihan

Ya Rasulullah... Salamun alaik

Ya rafi'a syani wadaraji

Athfatayyaji ratal 'alami

Ya uhailalju diwal karomi

Ngawiti ingsun ngelaras syi'iran

Kelawan muji maring pengeran

Kang paring rohmat lan kenikmatan

Rino wengine tanpo pitungan

Duh bolo konco priyo wanito

Ojo mung ngaji syare'at bloko

Gur pinter ndongeng nulis lan moco

Tembe mburine bakal sengsoro

Akeh kang afal Qur'an Haditse

Seneng ngafirke marang liyane

Kafire dewe dak digatekke

Yen isih kotor ati akale

Gampang kabujuk nafsu angkoro

Ing pepaese gebyare ndunyo

Iri lan meri sugihe tonggo

Mulo atine peteng lan nisto

Ayo sedulur jo nglaleake

Wajibe ngaji sak pranatane

Nggo ngandelake iman tauhide

Baguse sangu mulyo matine

Kang aran sholeh bagus atine

Kerono mapan seri ngelmune

Laku thoriqot lan ma'rifate

Ugo haqeqot manjing rasane

Alqur'an qodim wahyu minulyo

Tanpo tinulis biso diwoco

Iku wejangan guru waskito

Den tancepake ing jero dodo

Gumantil ati lan pikiran

Mrasuk ing badan kabeh jeroan

Mu'jizat Rasul dadi pedoman

Minongko dalan manjinge iman

Kelawan Alloh kang moho suci

Kudu rangkulan rino lan wengi

Ditirakati diriyadoi

Dzikir lan suluk jo nganti lali

Uripe ayem rumongso aman

Dununge roso tondo yen iman

Sabar narimo najan pas pasan

Kabeh tinakder saking Pengeran

Kelawan konco dulur lan tonggo

Kang podho rukun ojo daksio

Iku sunnahe Rasul kang mulyo

Nabi Muhammad panutan kito

Ayo nglakoni sekabehane

Allah kang bakal ngangkat drajate

Senajan asor toto dhohire

Ananging mulyo maqam drajate

Lamun palastro ing pungkasane

Ora kesasar roh lan sukmane

Den gadang Allah swargo manggone

Utuh mayite ugo ulese.

 

Download

Click link above to save Syi'ir Tanpo Waton - Alm. KH. Abdurrahman Wahid
Password :